Раённая краязнаўчая канферэнцыя школьнікаў, прысвечаная Году малой радзімы
Раённая краязнаўчая канферэнцыя школьнікаў, прысвечаная Году малой радзімы
Між палёў раздольных і лугоў,
Дзе на свет аднойчы я прыйшоў,
Між гаёў пявучых і дубоў –
Радасць мая, песня і любоў.
Светлая дзівосная зямля!
Быхаўшчына родная мая!
З такіх слоў 24 лістапада на базе ДУА“Гімназія г.Быхава” пачалася раённая краязнаўчая канферэнцыя школьнікаў, прысвечаная Году малой радзімы.
У канферэцыі прымалі ўдзел вучні і педагогі ўстаноў адукацыі нашага раёна, прысутнічалі госці: супрацоўнік раёнага гісторыка-краязнаўчага музея Федарчук Я.І, супрацоўнік бібліятэкі мікрараёна Быхаў-1 Сляпцова Н.М, метадыст вучэбна-метадычнага аддзела па адукацыі Быхаўскага райвыканкама Казлова О.У.
У Год малой радзімы дзейнасць краязнаўцаў Быхаўшчыны накіравана на ўсебаковае даследванне рэгіянальнай культурна-гістарычнай і прыроднай спадчыны.
Так, краязнаўцы Гадылёўскай сярэдняй школы ўпэўнены, што без гісторыі мінулага не можа быць сучаснасці і будучыні, а вучаніца Грудзінаўскага вучэбна-педагагічнага комплексу Селіверстова Елізавета расказала якой цікавай гісторыяй славіцца Грудзінаўскі край. Сваю творчую работу прадставілі і вучні Лудчыцкай сярэдняй школы.
Навучэнка гімназіі Кухціна Аляксандра дапамаг
ла разгадаць загадку аб адным з самых старажытных вырабаў нашых продкаў – саламяных “павуках”, а Касцюкоў Мікалай з той жа ўстановы прапанаваў удзельнікам канферэнцыі творчую работу-відэафільм-экскурсію па родных мясцінах.
Краязнаўцы Макранскага вучэбна-педагагічнага комплексу дзіцячы сад-сярэдняя школа паведалі аб фальклорным свяце, прапанаваў творчую работу “Ішла Каляда, калядуючы”, а вучні Навабыхаўскай сярэдняй школы разам са сваім кіраўніком Сілковай Н.У. не толькі вывучаюць фальклорныя святы, але і самі ўдзельнічаюць у іх пастаноўках.
У школах Быхаўскага раёна налічваецца шаснаццаць музеяў. Аб музейных справах, знаходках расказалі вучні сярэдняй школы №3 г.Быхава.
Настаўнік музыкі Галубчык Т.У падгатовіла з вучнямі Вярчэнавым Ягорам і Каліноўскай Варварай музычныя нумары “Родны мой горад” і “Ластаўка”.
І вось вядучыя раённай краязнаўчай ка
нферэнцыі школьнікаў вучань 11 класса Касцюкоў Мікалай і педагог-арганізатар гімназіі Івашкова А.У. дзякуюць усім удзельнікам за цікавыя выступленні і жадаюць творчых поспехаў і здзяйсненняў.
