Вучні 5 "В” класа гімназіі вырашылі загадзя падрыхтаваць віншаванне сваім мамам
Самае лепшае слова на свеце – МАМА. З самага свайго нараджэння, а можа, яшчэ і раней, мы адчуваем цеплыню і ласку матчыных рук. Матулі – нашы анёлы-ахоўнікі ад першага кроку і на ўсё жыццё.
Вучні 5 “В” класа гімназіі вырашылі загадзя падрыхтаваць віншаванне сваім мамам. У суботу сёмага кастрычніка праца па стварэнні плаката-віншавання ішла поўным ходам: дзеці малявалі, выразалі з паперы сардэчкі, на якіх пасля напісалі пяшчотныя словы для сваіх любых матуль. Праца захапіла ўсіх!
Вельмі добра, калі і бацькі не застаюцца абыякавымі да заняткаў сваіх дзяцей. На дапамогу класнаму кіраўніку і дзецям прыйшла мама вучаніцы Дзіяны Зарэцкай, Марына Уладзіміраўна, якая ўсіх захапіла сваёй крэатыўнасцю. Вынік працы спадабаўся ўсім.
Са святам, даражэнькія нашы мамы!
Корреспондент газеты "ГОНГ", учитель белорусского языка и литературы Белоусова Т.Л.
